Bozorning qayrilish nuqtalarini topishni o'rganishni xohlaysizmi? "Bolg'a" shami – shamli tahlilning klassik patterni bo'lib, pasayuvchi patternning buqa (yuksaluvchi) yo'nalishda trend o'zgarishi haqida signal beradi.
Ushbu maqolada siz grafiklarda "bolg‘a" va "teskari bolg‘a" patternlarini qanday aniqlash, bu modellar asosida qanday savdo qilish va soxta signallardan qanday qochish haqida bilib olasiz. Forex va kriptovalyutada oddiy misollarda, foydali bitimlar uchun qanday qo‘llashni ko‘rsatadi. Shamli tahlilni o‘zlashtiring va LiteFinance’ning demo-hisobi bilan ishonchli savdo qilishni boshlang!
Maqolada quyidagi mavzular yoritilgan:
- Asosiy faktlar
- “Bolg’a” shamchasi nima?
- "Bolg‘a" shamining xususiyatlari
- Texnik tahlilda "bolg‘a" shamlari
- "Bolg‘a" shamida qanday savdo qilinadi?
- "Buqa bolg‘asi"
- "Ayiq bolg‘asi"
- Teskari "bolg‘a" shamlari
- Buqalar “teskari bolg‘asi”
- Ayiqlar “teskari bolg‘asi”
- ”Bolg’a” shami qo’llanilishiga misollar
- "Bolg‘a" shamidan foydalanish bo‘yicha cheklovlar
- Bolg‘a va Dodji shamlari
- Xulosa
- "Bolg’a" shami asosida savdo qilish bo’yicha FAQ
Asosiy faktlar
- "Bolg‘a" shami – bu grafikning pastki qismida joylashgan qayrilish patterni bo'lib, u buqa trendining boshlanishi haqida signal beradi; tanasi kichik, pastki soyasi uzun (tanadan 2-3 barobar) va tepa soyasi esa juda qisqa/yoki yo'q.
- "Ayiq bolg‘asi" ("osilgan odam" patterni) – choqqidagi qayrilish patterni bo'lib, pasayuvchi trendning boshlanishi gaqida signal beradi. Uning tanasi kichik, uzun pastki soyasi bor. Shamning rangi ahamiyatsiz, lekin qizil rangda kelganida ushbu pattern ayiqlar ustun kelayotganini anglatishi mumkin.
- "Teskari bolg‘a" – tanasi kichik va yuqori soyasi uzun bo'lgan qayrilish shamidir. Asosida buqacha kayfiyat ("teskari bolg'a") yuqorida esa ayiq kayfiyatini ("qulayotgan yulduz") aks ettiradi
- Savdo: Kirish signal tasdiqlangianidan so'ng (masalan, gep (bo'shliq) yoki keyingi buqa shami, stop-ploss sham ekstremumidan pastroq/yuqoriroq, teyk-profit tayanch/qarshilik darajalarida o'rnatilgan; Katta taymfreymlarda (H4, D1), ushbu patterni kuchli signallar beradi.
- Cheklovlar: Indikatorlar (RSI, MACD) yoki qo‘llab-quvvatlash/qarshilik darajalari bilan tasdiqlash talab etiladi; filtrlarsiz, ayniqsa kichik taym-freymlarda soxta signallar paydo bo‘lishi mumkin.
“Bolg’a” shamchasi nima?
"Bolg‘a" shamchasi – bu kichik sham tanasi va uzun pastki pilikdan iborat bir shamli pattern. "Bolg‘a" shamchasi pasayish tendensiyasidan so‘ng asosda shakllanadi. Grafikda "bolg‘a" shamchasining paydo bo‘lishi ma’lum bir moliyaviy vosita bo‘yicha yangi "buqalar rallisi" boshlanishidan darak beradi. Bu klassik figura bo‘lgani sababli, uni valyuta moliya bozorida, shuningdek, fond, kriptovalyuta va tovar bozorlarida ham kuzatish mumkin.
"Bolg‘a" shamining xususiyatlari
"Bolg‘a" patterni grafikda narxlar pasayishi davrida paydo bo‘ladi va u kotirovkalar xaridorlar hududiga kirganini hamda bozorda buqalar kayfiyati faollashganidan dalolat beruvchi stoplovchi model hisoblanadi.
Bu patternni bozorda aniqlash oson. Quyidagi belgilarga mos kelishi kifoya:
- modelning asosiy xususiyati narx diapazonining yuqori qismida kichik tana mavjudligidir;
- shamning rangi ahamiyatsiz, u ham yashil, ham qizil bo‘lishi mumkin. Biroq, yashil rang bozorda aniq ifodalangan buqalar tendensiyasini ko‘rsatadi;
- pastki soya qanchalik uzun bo‘lsa, bozordagi buqalarning kuchi shunchalik yaqqol namoyon bo‘ladi.
Klassik modelda pastki soya sham tanasidan kamida 2 baravar uzun bo‘lishi kerak:
yuqori soya bo‘lmasligi yoki juda qisqa bo‘lishi lozim.
Texnik tahlilda "bolg‘a" shamlari
Texnik tahlilda "bolg‘a" shamlaridan foydalanish treyderlarga turli vaqt oralig‘ida narxlarning potensial buqalarga hos qayrilishning nuqtalarini aniqlash imkonini beradi. Bu modellarni aniqlash uchun sham grafigidan foydalanish zarur.
Shuni ham tushunish muhimki, model kuchli signal hisoblanadi va u paydo bo‘lganda, katta ehtimol bilan trend o‘zgarishini kutish mumkin. Shu sababli "bolg‘a" patternining paydo bo‘lishi uzoq pozitsiyalar ochish uchun yaxshigina asos bo‘ladi.
"Bolg‘a" shamida qanday savdo qilinadi?
"Bolg‘a" modeli qanchalik katta taymfreymda uchrasa, qayrilish uchun signal shunchalik kuchli hisoblanadi.
Bunday modellarni grafikda aniqlash yirik miqdordagi lotereya yutug‘ini qo‘lga kiritish bilan taqqoslanadi, ayniqsa, agar model kunlik yoki haftalik grafikda paydo bo‘lsa.
Ko‘pincha bu pattern narx grafiklarida ahamiyatli bo’lgani tufayli konservativ strategiyada qo‘llaniladi.
Sham modellari va ularni aniqlash usullari haqida batafsil ma’lumotni mening "Shamli grafikni qanday o‘qish kerak?" deb nomlangan maqolamdan olishingiz mumkin.
"Buqa bolg‘asi"
Yashil "buqa bolg‘asi" xaridlarning ko‘payishini va bozordagi yuksaluvchi tendensiyani yanada yaqqol ko‘rsatadi.
Quyida ushbu signalni turli vaqt oraliqlarida qo‘llashning bir nechta misollarini ko‘rib chiqamiz.
EURUSD juftligining soatlik grafikida ko‘rinib turibdiki, yuksalish trendi boshlanishidan oldin asos qismida bir nechta ketma-ket buqa "bolg‘a"lari shakllangan bo‘lib, ular treyderlarni kotirovkalarning o‘zgarishi haqida ogohlantirgan.
Narxlarning yuqoriga harakatlanishi, pasayuvchi trendga teng bo‘ldi.
Valyuta juftligining xuddi shu joydagi to‘rt soatlik grafikini tahlil qilib, aktiv xuddi shunday "bolg‘a" modelini (ammo bu safar 4 soatlik) hosil qilganini ko‘rish mumkin. Shundan so‘ng Yevropa valyutasi dollarga nisbatan faol ravishda mustahkamlanib, o‘sa boshladi.
Qiziqarli jihati shundaki, instrument soatlik grafik tahliliga qaraganda ham yuqoriroq ko‘tarildi.
Bu yerda shuni ta’kidlash joizki, pattern qanchalik katta taymfreymlarda paydo bo‘lsa, signal shunchalik kuchli bo‘ladi, shunga mos ravishda potensial foyda ham oshadi.
Ushbu ikki grafik tahliliga xulosa qilib aytish mumkinki, kichik taymfreymlar qulay kirish nuqtasini aniqlash imkonini bersa, kattaroq taymfreymlar ochiq pozitsiyalarning taxminiy maqsadini ko‘rsatadi.
"Ayiq bolg‘asi"
"Ayiq bolg‘asi" – bu xuddi o’sha "bolg‘a" patternining analogi bo‘lib, faqat cho‘qqida paydo bo‘ladi. Uni boshqacha "osilgan odam" yoki "dorga osilgan" deb ham atashadi. Bu "buqa bolg‘asi" bilan bir xil model, ammo uning cho‘qqida paydo bo‘lishi yuksaluvchi trendning tugashi va yangi pasayuvchi harakatining boshlanishini bildiradi.
Sham tanasi xuddi shunday kichik bo‘lib, pastki piligi uzun, tanasidan kamida 2-3 marta katta bo‘ladi. Shamning rangi ahamiyatsiz bo‘lib, u yashil yoki qizil rangda bo‘lishi mumkin.
Quyida BTCUSD juftligining to‘rt soatlik grafigida "osilgan odam" patternini ko‘rib chiqamiz. Rasmda ko‘rinib turibdiki, har bir mahalliy cho‘qqida "osilgan odam" pattern paydo bo‘lganidan so‘ng, narx pasaygan va ba’zi joylarda ancha faol tushgan. Grafikda paydo bo‘lgan har bir model treyderlarni trend yakunlanayotgani va yuqoriga ko‘tarilishga ayiqlarning qarshiligi to‘sqinlik qilayotgani haqida ogohlantirgan. Shuning uchun, bunday hollarda xarid bitimidan chiqish va qayrilishning tasdiqlanishini kutish muhimdir.
Pasayuvchi trend boshlanishi prognozi qo‘shimcha instrumentlar va patternlar yordamida tasdiqlanganidan so‘ng, sotish bitimlarini ochish mumkin.
Teskari "bolg‘a" shamlari
Teskari "bolg‘a" shamlari yapon shamlarining patternlari bo‘lib, ular bitta shamdan iborat. Teskari buqa yoki ayiq "bolg‘asi"ning tanasi kichik bo‘lib, yuqori soyasi uzun bo‘ladi.
"Bolg‘a"dan farqli o‘laroq, sham tanasi narx diapazonining pastki qismida joylashgan.
Rang bu yerda ham xuddi shunday ahamiyatsiz. Tana ham yashil, ham qizil rangda bo‘lishi mumkin.
Buqalar “teskari bolg‘asi”
Buqalar "teskari bolg‘a"si – bu grafikning asos qismida narxning qayrilishini ko‘rsatuvchi figura.
Grafikda bunday sham paydo bo‘lganda, "teskari bolg‘a"ning buqalarga hos harakteri tasdiqlanishini kutish muhim. Masalan, "yashil butun tanali buqa shami" paydo bo’lishini. Bundan tashqari, "teskari bolg‘a" va undan keyingi sham o‘rtasida yuqoriga qarab kichik uzilish (bo’shliq) paydo bo‘lishi ham buqa kuchining tasdig‘i bo‘lishi mumkin.
Quyidagi XAUUSD bo’yicha soatlik grafikda ko‘rinib turibdiki, "bolg‘a" va "teskari bolg‘a" hosil bo‘lganidan so‘ng narx yuqoriga ko‘tarilgan va qaytib patternlar shakllangan darajagacha pasaygan. Keyinchalik, ketma-ket "teskari bolg‘a" modellarini kuzatish mumkin, shundan so‘ng yuqoriga qarab uzilish (bo’shliq) paydo bo‘ldi va narx faol o‘sa boshladi.
Ya’ni, buqa kayfiyati oldindan tasdiqlangan, bu esa sotib olish bitimini ochish imkonini bergan bo’lar edi.
Ayiqlar “teskari bolg‘asi”
Ayiqlar "teskari bolg‘a"si – bu cho‘qqida shakllanadigan va xuddi “buqalar teskari bolg‘asi” kabi trend almashishi mumkinligi haqida signal beruvchi figura bo’lib, faqatgina bunisi ayiq trendiga o‘tishini aks ettiradi.
Treyding olamida bu pattern "qulayotgan yulduz" deb ham ataladi, chunki u o‘zidan keyin yorqin iz qoldirib qulayotgan yulduzni eslatadi. Ushbu patternning shakllanishi shuni ko‘rsatadiki, buqalar narxni ko‘tarishga urinishgan, ammo bu muvaffaqiyatsiz bo‘lgan va ayiqlar narxni sham ochilish qiymatiga yaqin darajagacha tushirgan.
Quyidagi rasmda ko‘rinib turibdiki, buqalar narxni ko‘tarishga urinishgan, biroq ayiqlar kurashga kirishib, narxni yana sham ochilish diapazoniga qaytarishgan.
Ushbu model shakllangandan so‘ng, kotirovkalar pastga yo‘nalgan va lokal asosga yetib borgan, bu yerda o‘z navbatida "bolg‘a" buqa patternlari hosil bo‘lgan.
”Bolg’a” shami qo’llanilishiga misollar
Materialni amalda mustahkamlash uchun ushbu bo‘limda men yuqorida o‘rganilgan patternlar bo‘yicha turli instrumentlardan foydalangan holda qisqa muddatli savdo namunalarini ko‘rsataman.
1-misol – "bolg‘a"
"Bolg‘a" patterni bo‘yicha signalni ishlab chiqish uchun men AUDJPY valyuta juftligining 30 daqiqalik grafigidan foydalandim.
Quyidagi rasmda 93.791 darajasida "bolg‘a" buqa patterni hosil bo‘lganini ko‘rish mumkin, bu esa meni 0.01 lot bilan minimal xarid pozitsiyasini ochishga undadi. Bozordagi buqa kayfiyati men uchun qo‘shimcha signal bo‘ldi. Buni oldingi yashil shamlarning hosil bo‘lishidan ko‘rish mumkin.
Stop-lossni "bolg‘a" shami shakllangan nuqtadan pastroq o’rnatdim. Take-profitni esa 94.410 darajasi atrofida yuqoriroq qo’ydim. Bunday signallarni ishlab chiqishda take-profit’larni eng yaqin qarshilik darajalariga joylashtirish maqsadga muvofiq, chunki bu kun ichidagi savdo bo‘lib, bozor kayfiyati asosiy omillar tufayli keskin o‘zgarishi mumkin.
Signal o‘zini uzoq kuttirmadi va bir yarim soatdan so‘ng bitim 4.14 dollar foyda bilan yopildi.
2-misol – "osilgan odam/dorga osilgan odam"
Ikkinchi bitim USCRUDE instrumenti yordamida amalga oshirildi. 15 daqiqalik grafikda yuksaluvchi trenddan so‘ng "osilgan odam" figurasi paydo bo‘ldi, bu esa 0.01 lotga teng qisqa pozitsiya ochish uchun signal vazifasini o‘tadi.
Stop-lossni pozitsiya ochilgan shamdan yuqoriroqqa qo‘ydim. Potensial teyk-profit 109.254 darajasida belgilandi.
Biroq, bu bitim unchalik muvaffaqiyatli bo‘lmadi, chunki pozitsiyani kech ochdim, lekin pasayish ehtimoli kuzatildi.
Shunday qilib, 30 foiz yoki 3.35 dollarlik foyda olishga erishdik.
3-misol – "qulayotgan yulduz"
Quyidagi EURUSD juftligi bo’yicha soatlik grafikda "qulayotgan yulduz" patternining shakllanishi ko‘rsatilgan, bu treyderlarni yaqinlashib kelayotgan narxlar pasayishi haqida ogohlantiradi.
Bundan tashqari, sotuvchilar tomonidan narxga kuchli bosim o‘tkazilgani ko‘rinib turibdi. Buni ketma-ket hosil bo‘lgan to‘rtta qizil shamdan ko‘rish mumkin.
Men shuningdek, 0.01 lotga teng qisqa pozitsiya ochdim. Stop-loss 1.0600 atrofida, pozitsiya ochilish nuqtasidan yuqoriroqqa qo‘yildi. Teyk-profit esa 1.0499 darajasidagi eng yaqin qo‘llab-quvvatlash darajasiga o’rnatildi.
Bu pozitsiya ham maqsadga bir necha punkt yetmay, qo‘lda 3.80 dollar foyda bilan muvaffaqiyatli yopildi.
"Bolg‘a" shamidan foydalanish bo‘yicha cheklovlar
"Bolg‘a" va "teskari bolg‘a" patternlari bo‘yicha pozitsiya ochishdan avval quyidagilarni hisobga olish muhim:
- "Buqalar bolg‘asi" va "teskari bolg‘a" shakllangan joyda qo‘llab-quvvatlash darajasi, shuningdek, "qulayotgan yulduz" va "osilgan odam" shakllari paydo bo‘lgan joyda esa qarshilik darajasi mavjudligini albatta tekshiring;
- Bu figuralarning shakllanishi pattern va unga yaqin joylashgan shamlar orasida kichik uzilish bilan kuzatilishi kerak, ammo bu qat’iy shart emas;
- Faqat ushbu figuralar orqali emas, balki texnik indikatorlar yoki boshqa sham patternlari yordamida ham trend o‘zgarishini tasdiqlanishini kutish muhim;
- Tendensiya kuchini aniqlash uchun savdo hajmlarini kuzatib boring.
Ushbu mezonlarga rioya qilmasangiz, siz chiqish yo‘li yo’q bozor tuzog‘iga tushib qolishingiz mumkin.
Bolg‘a va Dodji shamlari
Bolg‘a va Dodji yapon shamlari quyidagi jihatlari bilan o‘xshash:
- ikkisi ham trend qayrilishi haqida signal beruvchi patternlardir;
- ikkalasida ham pastki yoki yuqori uzun soyasi mavjud;
- ularning paydo bo‘lganidan keyingi harakat dinamikasi shamning rangiga bog‘liq emas.
Ular orasidagi yagona farq shundaki, Dodjida shamning tanasi yo‘q.
Xulosa
Endi siz “bolg‘a” figuralari klassik qayrilish patternlari ekanligi va texnik tahlilda yetarlicha kuchli ekanligini bilasiz. Maqolada bu shamlarning farqlari va turlari yoritilgan. Bundan tashqari, ushbu shamlarning grafiklarda aniqlanishi batafsil tahlil qilingan hamda ushbu patternlar bo‘yicha real savdo misollari namoyish etilgan.
Siz o‘z qobiliyatlaringizni sinab ko‘rishingiz va Litefinance ishonchli brokerining demo hisobi orqali mening bitimlarimni bepul takrorlab ko’rishingiz mumkin.
"Bolg’a" shami asosida savdo qilish bo’yicha FAQ
"Bolg‘a" shami bozordagi trend o‘zgarishini aniqlash maqsadida qo‘llaniladi. Tahlil qilishdan avval grafikda "bolg‘a" shamini topish va indikatorlar yordamida bozor kayfiyatini aniqlash lozim. Shundan so‘ng bitim ochish mumkin.
Grafikning asosiy qismida yoki cho‘qqisida qisqa tanali va uzun pastki soyali shaklni topishning o’zi kifoya. So‘ngra tasdiqlanishini kutib, kerakli yo‘nalishda pozitsiya ochish lozim.
Ha, "bolg‘a" yapon shami klassik model bo‘lib, trend o‘zgarishini aniqlash nuqtai nazaridan samarali hisoblanadi.
Bu bozordagi vaziyatni tubdan o‘zgartirishga qodir bo‘lgan kichik tanali va uzun pastki soyali bitta shamning shakllanishiga asoslangan strategiyadir.
Teskari "Bolg‘a" shami – bu narx diapazonining pastki qismida kichik tana, yuqori qismida esa uzun soyadan tashkil topgan shamdir.
Farq modellarning hosil bo‘lish joyidadir. "Teskari bolg‘a" shami pastki qismda, "Qulayotgan yulduz" esa yuqori qismda hosil bo‘ladi.
"Bolg‘a" pastki qismda hosil bo‘ladi va yuksaluvchi trend boshlanishini bildiradi, "Osilgan odam" esa yuqori qismda shakllanadi va trend pasayuvchi trendga almashishi mumkinligi haqida ogohlantiradi.
Qizil "teskari bolg‘a" yashil rangdagisi bilan bir xil ma’noni anglatadi, chunki bu shaklni hosil qilishda uning rangi ahamiyatga ega emas.
"Bolg‘a" ko‘proq ko‘tarilish signali hisoblanadi, ayniqsa yashil rangdagisi, chunki yaponchadan so‘zma-so‘z tarjima qilinganda "tub paypaslash" degan ma’noni anglatadi. "Teskari bolg‘a" uchun uning kayfiyati buqalarga hosligi tasdiqlanishini kutish muhim.
"Bolg‘a" patterni ko‘tarilish signali hisoblanadi, chunki u odatda katta taymfreymlarda uzoq pasayish tendensiyasidan so‘ng asosda shakllanadi. "Osilgan odam" patterni esa tushish uchun signaldir.
"Buqa bolg‘asi" – bu narx diapazonining yuqori qismida kichik tanali va o’z tanasidan kamida 2-3 baravar uzun soyaga ega bo‘lgan sham.
"Teskari bolg‘a" ham, "bolg‘a" buqalarga hos qayrilish signalini beradi, chunki bu modellar narxning asosga yetib qayrilishining klassik patternlaridir. Narxlar jadvalida ularning paydo bo‘lishi yangi yuksaluvchi trend boshlanayotganidan darak beradi va treyderlarni aktiv eng minimal narxga yetganidan ogohlantiradi.
Ushbu maqolada yozilganlar faqat muallifning shaxsiy fikri bo‘lib, LiteFinance ning rasmiy pozitsiyasiga mos kelmasligi mumkin. Ushbu sahifada chop etiladigan materiallar faqat ma'lumot berish maqsadlarida taqdim etilgan va 2014/65/EU Direktivasi maqsadlariga xizmat qiluvchi investitsiyavi maslahat yoki konsultatsiya sifatidatalqin qilinmasligi kerak.
Mualliflik huquqi to‘g‘risidagi qonunchilikka muvofiq, ushbu maqola intellektual mulk obyekti hisoblanadi, va uni ruxsatsiz nusxalash yoki tarqatish taqiqlangan.
